Dega e PDK-së në Skenderaj ka reaguar ndaj deklaratave të Bekim Haxhiut – Kamishit i cili hapur doli kundër kësaj degë dhe qendrimeve të kryetarit të PDK’së, Memli Krasniqi.
PDK në reagimin e saj ka hedhur akuza të rënda ndaj Bekim Haxhiut duke e akuzuar për deficit nga e kaluara por pa treguar llojin e deficitit.
“Dega e PDK-së nuk mund të shantazhohet nga askush e aq më pak nga njerëz që kanë deficite nga e kaluara dhe tani përpiqen të rimbursojnë duke përdorur e keqpërdorur vlerat subime të lirisë sonë”, thuhet në reagimin e PDK’së.
Tutje ata kanë kërkuar nga kryesia qendrore që të marrë masa ndaj deputetit në fjale.
Postimi i plotë:
Partia Demokratike e Kosovës
Dega në Skenderaj
Reagim
Dega e PDK-së në Skenderaj e informon opinionin publik, anëtarët dhe simpatizantët, se deklaratat e Bekim Haxhiut në media janë dezinformata të kulluara dhe me qëllime të pastërta elektorale kundër PDK-së.
Z. Haxhiu Skenderajn dhe votuesit e PDK-së i ka trajtuar dhe po i trajton vetëm si hambar votash. Përdorimi i logos së PDK-së, anëtarësisë dhe strukturave të saj për mbledhje votash dhe më vonë të dalësh hapur kundër vendimeve të PDK-së është hipokrizi e madhe. Z. Haxhiu pa pikë turpi merr vota nga votuesit e PDK-së që më pas i përdor ato gjithëkund dhe në çdo formë të mundshme për të dëmtuar PDK-në.
Absurdeti i veprimeve të tij rritet kur i njeti përmes paraqitjeve publike dhe jo vetëm, bën fushatë të ndyrë kundër kandidatit të PDK-së për kryetar të Komunës së Skenderajt.
Deficitit të krijuar në PDK, përmes veprimeve destruktive z.Haxhiu po mundohet t’i bëjë remont duke keqpërdorur vlerat me sublime të kombit tonë.
Dega e PDK-së nuk mund të shantazhohet nga askush e aq më pak nga njerëz që kanë deficite nga e kaluara dhe tani përpiqen të rimbursojnë duke përdorur e keqpërdorur vlerat subime të lirisë sonë.
Dega e PDK-së në Skenderaj i bënë thirrje anëtarësi së gjërë që të mos bien pre e dezinformatave të lansuara nga persona që me fuqinë që kanë marrë me votat e PDK-së po e dëmtojnë rëndë PDK-në.
Po ashtu i bëjmë thirrje Kryesisë Qendrore të PDK-së që të marrë masa ndaj një deputeti të zgjedhur me votat e anëtarëve të PDK-së dhe po punon çdo ditë në dëm të partisë duke hapur dezinformata kundër PDK-së në Skenderaj.
#PDKSkenderaj