Takimi i kryeministrit, Albin Kurti me përfaqësuesit e veteranëve të UÇK-së nuk rezultoi i suksesshëm.
Detaje për takimin që zgjati 2 orë e gjysmë dha sekretari i OVL-UÇK-së, Faton Klinaku, ai konfirmojë që protestat do të vazhdojnë, nuk është arritur ndonjë dakordim.
Gjatë takimit, Klinaku ka bërë me dije se Kurti u ka përmendur listat e fryra të veteranëve, por që ata kanë thënë se duhet të lihet gjykata të flasë për këtë çështje, shkruan Insajderi.
“I treguam edhe në zyre se ne do të jemi në protesta, në qoftëse e rregullojnë siç ka qenë ose edhe më mirë natyrisht se ne duartrokasim por në qoftë se e hek pikën 3.1 që lidhet me pagën minimale në Kosovë do të na ketë në protesta çdo ditë të vazhdueshme”, tha ai përcjell Insajderi.
“Arsyetimet e kryeministrit janë ato që ju i keni parë në opinion, ai thirrët në numrin e madh të veteranëve, që nuk është çështje e tij por e gjykatës dhe duhet pritur procesi gjyqësor qoftë për verifikim qoftë për kategorizim. Këto arsyetime të tyre të pabaza sepse edhe nëse krijohet komision I ri. Prapë do të bëhet verifikimi prej komandantëve”, ka deklaruar ai.
Klinaku bëri me dije se në takim ishte edhe kryetari i Shoqatës të Familjeve të Dëshmorëve që si protestues dhe organizues kemi qenë së bashku.
I pyetur se sa do të presin për përgjigje, Klinaku tha se nuk e di saktë se deri kur do të presin për një përgjigje nga qeveria.
Veteranët i kanë bërë thirrje kryeministrit që të reflektojë.
Qëllimi i këtij takimi ishte diskutimi lidhur me pakënaqësitë e tyre për mos përfshirje të veteranëve në Ligjin për pagën minimale.
Dje, mbi 8 orë veteranët kanë protestuar para Kuvendit të Kosovës.