Detaje të reja për vdekjen e dyshimtë në Qirez të Skenderajt

65 vjeçari Asman Ferizi nga Qirezi i Skenderajt u varros të shtunën.

Shkak i vdekjes së tij dyshohet të jetë kontakti me energjinë elektrike gjatë rregullimit të një mjeti për ujë.

Nipi i tij deklaroi për Klan Kosovën se janë në pritje të autopsisë për të ditur saktësisht se çfarë ka ndodhur, ngase, sipas tij, në QKMF-në në Skenderaj kanë hedhur dyshime se mund të ketë pasur infarkt.

Por, në këtë të fundit, thanë se edhe këta duhet të shohin raportin e Mjekësisë Ligjore dhe se nuk mund t’i dinë shkaqet, por mund të konfirmojnë se pacienti nuk ka pasur shenja jete.