Dy persona nga Drenasi, janë lënduar mbrëmjen e së premtes derisa ishin duke punuar në gurëthyesin “BAU mineral”, që ndodhet në fshatin Çikatovë të Vjetër të kësaj komune
Gurëthyesi ‘Bau Mineral’ është pronë e biznesmeni Bajram Gashani, shkruan Insajderit.
Punëtorët që punoni për firmën e Gashanit kishin marr edhe trajtime mjekësorë në Qendrës Kryesore të Mjekësisë Familjare, në Drenas.
Kështu ka konfirmuar për Gazetën Insajderi, Ismet Bogiqi, drejtorit i kësaj qendre, i cili tha se nuk kanë qenë lëndime serioze dhe se rasti është raportuar në polici.
“Persona e lënduar nuk kane pasur lëndime serioze, kane pranuar trajtim në QKMF dhe për rast nevoje i është dhënë udhëzimi për në QKUK. Policia i ka raportet lidhur me rastin në fjalë”, tha Bogiqi për Gazetën Insajderi.
Ndonëse, rasti është shqyrtuar nga Policia e Kosovë sot nuk kanë dhënë asnjë informacion të detajuar lidhur me punëtorët e lënduar në vendin e punës.
Gazeta ka kontaktuar edhe kompaninë ‘Bau Holding’, për të pyetur rreth gjendjes se punëtorëve të tyre, por të njëjtin nuk janë përgjigjur deri në publikimin e lajmit.
Të paqasshëm kanë qenë edhe inspektorati i punës.
Gurëthyesi Bau Mineral është pjesë e ‘Bau Holding’, pronarë i të cilave është biznesmeni Bajram Gashani.
Grashani nën pronësi të tij ka edhe kompaninë gjigande “Al Trade”, i cili përgjatë viteve vetëm me dy kontrata kishte fituar mbi 94 milionë euro tender nga shteti.
