Është raportuar për një rast të rëndë që ndodhi pasditen e sotme në Petrovë të Prizrenit, ku një person vdiq pasi u godit nga rrufeja. Viktima u dërgua në spital, por fatkeqësisht nuk mbijetoi.
Mësohet se personi që humbi jetën është Rexhep Vezaj, 55-vjeçar, i cili ka qenë duke mbledhur sanë, në momentin që rrufeja e goditi. Fqinjët e tij intervenuan duke ia dhënë ndihmën e parë, edhe pse gjendja e tij ishte shumë e rëndë.
I njëjti u dërgua më në spital, por përkundër intervenimit të mjekëve, ndërroi jetë.
Me urdhër të Prokurorit është iniciuar rasti si “vdekje e dyshimtë”, teksa trupi i pajetë është dërguar në IML për obduksion.
Familjarët e të ndjerit kanë bërë të ditur se varrimi i tij do të bëhet nesër.
“Miq Shok Dashamir Ju Njoftojm se me daten 02.06.2022 Ndrroj jet Babai ynë Rexhep (Bejtulla) Vezaj varrimi bëhet me 03.06.2022 me iqindi”, shkruhet në njoftim.
