Mbrëmjen e kaluar, policia ka raportuar ekskluzivisht për një mega-aksion të gjerë të Policisë së Kosovës në bashkëpunim me Inspektoratin Policor, i cili rezultoi me arrestimin e 13 personave të dyshuar për fajde dhe bixhoz të paligjshëm në rajonin e Prizrenit dhe Prishtinës. Në mesin e të dyshuarve është edhe zyrtari policor, Luan Bytyqi, i cili ka rënë në prangat e IPK-së.
Mediet kanë mësuar ekskluzivisht emrat e 13 personat që përfunduan në ndalim policor sit ë dyshuar për vepra penale të “Fajdes”, Detyrimit” dhe “Organizimi i Skemave Piramidale dhe Bizhozit”
Demokrat Kurtaj
Safet Kyçyku
Hetem Xhekaj
Visar Tabaku
Serkan Gunay
Armend Danqeli
Perparim Kyçyku
Luan Bytyqi
Adem Gashi
Agim Suka
Enis Gunay
Burim Kurtaj
Ilirian Kyçyku
Me urdhër të prokurorit, ndaj të dyshuarve është caktuar masa e ndalimit në kohëzgjatje prej 48 orësh dhe brenda afatit ligjor pritet që të parashtrohet kërkesa për caktimin e masës së sigurisë në Gjykatën kompetente.
Po ashtu gjatë aksionit janë gjetur dhe sekuestruar rreth 60 mijë euro para të gatshme, municion, armë zjarri, pajisje elektronike, vetura dhe cigare.
Burimet brenda strukturave të sigurisë në vend, kanë bërë me dije se mobilizimi për aksionin e djeshëm ka ardhur si rezultat i një pune të gjatë hetimore të Drejtorisë për Hetimin e Krimit të Organizuar dhe Korrupsionit, nën menaxhim të Prokurorisë Themelore në Prizren, e të asistuar edhe nga Inspektorati Policor i Kosovës dhe Policia e Kosovës, e cila ka shpërfaqur se regjioni i Prizrenit është përdorur si fole për aktivitetin e fajdes dhe organizimin e lojërave të fatit në mënyrë të kundërligjshme.