Njohësi i çështjeve juridike dhe Kushtetuese, Enver Hasani, ka thënë se edhe Paneli Zgjedhor për Ankesa dhe Parashtresa (PZAP) do të jetë e detyrueshme ta zbatojë vendimin e Gjykatës Kushtetuese.
Hasani, i ftuar në emisionin ‘Pressing’, ka deklaruar se sikurse KQZ’ja, edhe PZAP’ja do e zbatojë vendimin e Gjykatës Kushtetuese, të marrë pas seancës publike të mbajtur në dhjetor, shkruan Gazeta Express.
“Ti ‘a priori’ e din se PZAP-i nuk ka çare pa e zbatu vendimin e Gjykatës Kushtetuese, i cili i penalizon të gjithë”, ka deklaruar eksperti i Kushtetutës në ‘Pressing’.
Tutje, ai ka sqaruar se për shkak të mos-specifikimit të llojit të aktvendimit të marrë nga gjykatat respektive ndaj personave që janë në lista të kandidatëve për deputetë në tri vitet e fundit, është krijuar kjo situatë.
“Ti ankohesh kot, sepse dihet rezultati. Kjo është situatë që është krijuar nga Gjykata Kushtetuese. Raporti i Vjenes është përdorur në mënyrë manipulative. Ai e thotë qartë “çdo person i dënuar ndalohet mos me kandidu”, që i bjen pa përjashtim, nuk ndalohet. Ndalesa duhet me qenë specifike.