Eurodeputeti francez provokon sërish nga Prizreni: “Prizreni ishte qytet i mbretërve serbë, u pushtua nga shqiptarët myslimanë

Deputeti ekstremist francez, Nicolas Bay ka vizituar Prizrenin, duke e quajtur si “qytet i mbretërve serbë”.

Përmes një cicërime në Twitter, Bay thotë se Prizreni u “okupua nga shqiptarët myslimanë”.

“Prizreni, një qytet evropian dhe ish-qyteti i mbretërve të Serbisë, tani është i pushtuar nga shqiptarët myslimanë. Në këtë tokë të Evropës, kishat janë zëvendësuar nga xhamitë. Ndërkohë, qeveritë perëndimore kanë parë nga ana tjetër”, shkroi Bay.

Kujtojmë se Bay, sot për të dytën ditë me radhë e ka vazhduar propagandën kundër UÇK-së, duke e akuzuar se “ka rrëmbyer e vrarë serbë, të cilët më pas i ka vendosur në varre masive”.