Kryetari i komunës së Skënderajt Fadil Nura në njëfarë forme ka lënë të nënkuptohet që hetuesit e policisë janë duke vizituar komunën e Skenderajt për të kryer punën e tyre zyrtare, shkruan Rajoni.org.
Ai këtë e ka bërë të ditur gjatë një debati me asamblistin e VV-s Hysni Mehanin në seancën e djeshme të asamblesë komunale duke iu përgjigjur këtij të fundit rreth akuzave që kishin të bënin me fshehje të shifrave për raportin financiar janar-shtator të këtij viti.
Mirëpo, edhe pse hetuesit policorë janë duke vizituar komunën, Nura thotë se ata nuk janë duke gjetur asgjë të jashtëligjshme, për çka edhe janë ngritur pretendimet nga partia e asamblistit në fjalë.
Po ashtu asamblisit i Ideal-it, Abdullah Gashi gjatë kësaj seance ka ngritur shqetësimin për mënyrën se si janë dhënë mjetet bujqësore në këtë komunë pasi si tha Gashi ka dyshime që këtu ka keqpërdorime.
Ai për dallim nga VV-ja që për këto keqpërdorime të mundshme kërkon të formohet një komision, i cili do të merret me këtë çështje dhe nëse kjo nuk ndodh partia e tij i bën ultimatum duke paralajmëruar se do ta lëshoj mbledhjen./Rajoni.org/