Fatura e majmë për Haaland, operacioni mbyllet për 350 milion euro

Erling Haaland me gjasa në verë do të largohet nga Borussia Dortmund dhe çdo klub për të do të duhet të paguajë një shumë të majmë.

I gjithë operacioni do të kapë shumën e 350 milion eurove të amortizuar në pesë vite, sipas përllogaritjeve të AS.

Minimumi i pagës neto që norvegjezi kërkon është 25 milion euro, çka e çon faturën në 50 milion euro në sezon për klubin që duhet të paguajë një “mal” me taksa.

Pra në total vetëm për pagën e sulmuesit do të shpenzohen 250 milion euro. Për transferimin dhe komisionet duhen edhe 100 milion euro të tjera, që e rrisin goxha faturën për afrimin e goleadorit të Dortmund.