Klubi futbollistik nga Skënderaj Fc Drenica ka filluar me implementimin e një fushate mjaft humane, shkruan portali Rajoni.org.
Kjo fushatë është emërtuar “Differentsimilarequal”.
Sipas kësaj fushate, të gjitha mjetet financiare që do të grumbullohen nga shitja e fanellave me edicionin special “Special edition” do të shkojnë donacion për qendrën “Floriani”, qendër kjo, që trajon fëmijët me nevoja të veçanta në Skënderaj.
Iniciuesit e këtij projekti bëjnë thirrje për përshirje sa më të gjerë në ndihmën për integrimin e plotë të shoqërisë dhe të drejtave të barabarta.
Njoftimi i plotë i klubit drenicas:
“#DifferentSimilarEqual
…është motoja e fushatës ideuar nga të rinj dhe të reja të qytetit tonë bashkë me FC Drenica dhe financuar nga Qeveria e Japonisë nêpërmjet mbështetjes së marrë nga Fondi i Zhvillimit Social të Japonisë dhe bashkëfinancuar nga Komuna e Skenderajt, administruar nga Banka Botërore.
Fushata do të hapet zyrtarisht nesër (e diel) në ora 11:00 ne stadiumin Bajram Aliu.
Kjo fushatë është konceptuar si hapje e dyerve të bashkëpunimit dhe gjithëpërfshirjes për të gjitha kategoritë e shoqërisë dhe si mbështetje dhe informim që të qënurit i veçantë është privilegj dhe jo arsye për krijim të ndasive.
Ideja e kesaj fushate është që FC Drenica nëpërmjet dizejnimit, prodhimit dhe shitjes së fanelave të prezentuara bashkarisht me qytetarët, tifozët dhe dashamairët e sportit të kontribuojë në një kauzë kaq domethënëse si kjo e gjithëpërfshirjes dhe barazisë në shoqëri.
Një pjesë e konsiderueshme e të ardhurave nga shitja e fanelave me këtë mesazh special do të dorëzohen donacion në Qendrën për mësim dhe trajtim të fëmijëve me nevoja te veçanta “Floriani” në Skenderaj
Pasioni për futbollin na bashkon.
Le të bashkohemi për një kauzë shoqërore si kjo.
Mire se vini neser!
Duke porositur një nga këto fanela ju respektoni FC Drenicën, pasionin tuaj për futbollin, por mbi të gjitha i jepni më shumë zë dhe jehonë mesazhit që duam të përçojmë.
Fanelat e fushatës mund ti porosisni duke na kontaktuar përmes faqes zyrtare ne Facebook, apo duke ardhur në zyret e Klubit.
Çmimi për një fanelë është 20€.
Pak nga ju, shumë për fëmijët me nevoja të veçanta!”/Rajoni.org/