Flakron Shala me probleme serioze në drejtshkrim, vetëm një nga shtatë fjalë në koment e shkruan mirë.
Djali i deputetit Haxhi Shala, Flakron Shala, është përkujdesur që në postimin e fundit në Facebook të mos lëshojë shumë gabime drejtshkrimore, por niveli i standardit të tij gjuhësor në komente lë shumë për të dëshiruar.
Duke iu përgjigjur një miku në rrjete sociale rreth një klubi kosovar të futbollit, i shkolluari jashtë vendit shkruan një fjali që nuk ngjan të jetë shkruar nga një konsull, shkruan Gazeta Express.
Më saktësisht, është fjala për këtë grup shkronjash të çakorduara: “haha kini pun me Malisheven nlig dyt”.
Pra, nga shtatë fjalë, i riu Shala vetëm njërën prej tyre e ka shkruar pa gabime, më saktësisht parafjalën “me”. Të gjashtë fjalët tjera janë me gabime drejtshkrimore.
Të shkojmë me radhë:
Tingullimitimi “ha-ha” ose “ha-ha-ha” shkruhet me vizë mes rrokjeve të përsëritura.
Foljen “keni” e ka shkruar sipas përdorimit krahinor, “kini”.
Emrin “punë” e ka shkruar pa “ë”, “pun”.
Emri “Malishevë” në rasën kallëzore shkruhet me “ë” e jo me “e” në fund. Pra, duhet të shkruhet “me
Malishevën” e jo “me Malisheven”.
Emrin “ligë” dhe parafjalën “në”, i arsimuari i arrirë i ka bërë bashkë pa apostrof.
Numërorin rendor “i/e dytë (të dytë)” e ka shkruar pa nyjën e përparme, “të” dhe pa “ë” fundore, “nlig dyt”.