Një konflikt familjar ka ndodhur që disa ditë në një shtëpi në rrugën “Ali Demaj”, ku plasi sherri pasi gruaja braktisi fëmijët dhe burrin e saj dhe shkoi të jetojë me një person tjetër. Prokuroria ka nisur hetimet për rastin “Keqtrajtim apo braktisje e fëmijëve’’, ndërkohë që dëshmi ka dhënë edhe gruaja, në cilësinë e të dyshuarës.
Burimet nga Prokuroria kanë bërë me dije për Sinjalin se rasti ka ndodhur më 3 shtator, kur fillimisht gruaja ishte larguar nga shtëpia në orët e mëngjesit dhe është nisur për në fshatin Beran të Pejës, te shtëpia e një personi tjetër, me të cilin ka vendosur të bashkëjetojë.
Pas marrjes se informacioneve për braktisjen e fëmijëve, Policia ka ftuar të dyshuarën për të dhënë deklaratë në lidhje me rastin. Sinjali mëson e bazuar në dëshminë e saj të dhënë para hetuesve policorë, ajo ka qenë e martuar me bashkëshortin e saj për 11 vite martesë, por raportet mes tyre sipas saj nuk kanë qenë të mira. Madje, në dëshminë e saj, ajo ka përmendur edhe mungesën e marrëdhënieve intime me burrin e saj, arsye këto që e kanë shtyrë t’i ndajnë rrugët.
Të njëjtat burime thonë se fëmijët që i ka lënë e dyshuara janë të moshave nga 4 deri në 10 vjeç, të cilët tashmë ndodhen në shtëpinë e babait të tyre.
Gjithë ky rast e ka tronditur burrin, kur e kuptoi nga familja e gruas se kjo e fundit nuk kthehet më në atë shtëpi, pasi tashmë do të jetojë me një burrë tjetër.
Gjatë intervistimit, ajo po ashtu ka deklaruar se fëmijët e saj nuk i ka braktisur dhe se do të kujdeset për ta, por jo edhe të jetojë me babain e tyre, vendim ky që e ka konsideruar të duhur.
Lidhur me rastin, janë deklaruar edhe nga policia dhe kanë konfirmuar inicimin e rastit dhe hetimin në procedurë të rregullt ndaj të dyshuarës.