Hakerat ‘bëjnë’ lojtarin e Real Madrid të dëmtuar

Në faqen zyrtare të Realit të Madridit ditën e djeshme u publikua lajmi, se përveç Eden Hazardit është dëmtuar edhe sulmuesi tjetër, braziliani Rodrigo.

Megjithatë lajmi për dëmtimin e brazilianit ka qenë i rremë, pasi sipas raportimeve të fundit, në faqen e klubit madrilen kanë ndërhyrë hakerat dhe e kanë postuar këtë. Klubi ka reaguar menjëherë pas kësaj, duke bërë të ditur se lojtari është në dispozicion të skuadrës dhe nuk vuan nga ndonjë dëmtim.

Por, te Reali ajo që shqetëson të gjithë është gjendja e Hazardit, i cili është dëmtuar përsëri, dhe me shumë mundësi do i duhet të kryejë një operacion që të paktën të jetë gati për Europianin që do të zhvillohet në verë.