Ilir Lestrani nga Baica, zyrtar në Gjykatën në Drenas, sot pa asnjë dyshim është heroi i ditës.
Ai ka shpëtuar pa u djegur fëmijën 5-vjeç, i cili së bashku me familjen e tij, ndodhej brenda shtëpisë e cila u dogj në Drenas.
Iliri në një rrëfim për DrenicaOnline.com ka treguar gjithë ngjarjen.
“Rreth orës 8 e 15 minuta kemi parë se një zjarr shpërtheu brenda një shtëpie afër gjykatës. Kemi intervenuar së bashku me Burim Bekollin, Hamëz Isufin, Isuf Isufin dhe kryetarin e gjykatës Shefqet Balecin për të ndihmuar banorët që ndodheshin brenda. Disa familje kanë arritur të dalin, por aty kishte mbetur çifti bashkëshortor me dy fëmijët e tyre, një vajzë 15-vjeçare dhe një djalë 5-vjeç të ardhur për pushime nga diaspora. Edhe pse mu është tërhequr vërejtja që të mos ngjitem në katin e tretë, unë kam insistuar dhe nga tersa e cila po digjej shpejte kam nxjerr fëmijën dhe e kam lëshuar poshtë, pastaj jam kthyer për ta marr vajzën. Më pas kanë dalë edhe çifti ku për fat të mirë nuk kanë pësuar lëndime”, ka rrwfyer ngjarjen Ilir Lestrani.
Shtëpia është djegur tërësisht ndërsa aty një punë të madhe e kanë bërë gjithë banorët dhe institucionet lokale.
