Ish-kandidati për kryetar të Drenasit, Driton Ajazi ka kritikuar ashpër kryetarin aktual që qeverisë me komunën Ramiz Lladrovcin shkruan portali Rajoni.org.
Ai ia ka cekur një varg gjërash, të cilat kryetari është duke i keqmenaxhuar.
Përderisa ia apostrofon neglizhencën që është duke e bërë me çështjen e ngrohjes nëpër shkolla, ironizon me të duke i thënë se iu ka grithur CD-ja pasi e gjitha ç’po thotë janë fjalët e njëjta që po i përsëritë si klishe.
“Por ju ka grrith CD-ja vetëm duke i përsëritur frazat ligji, transparenca, llogaridhënia, çmimi, qeverisja e shkëlqyer, qytetari, a në realitet është vetëm një mashtrues dhe totalisht i papërgjegjëshëm”, -ka thënë ndër të tjerash Ajazi.
Postimi i tij i plotë:
DAMQOR, lej temat e mdhaja, po merru me punë që je përgjegjës për to!
Pas shumë ankesave të prindërve për mungesën e nxemjeve nëpër disa shkolla të komunës tonë, po e përcjelli shqetësimin e tyre!
Të nderuar qytetar, paramendojeni, sot në këto temperatura kaq të ulëta, disa shkolla kanë punu me orar të shkurtuar në mungesë të nxemjeve! E kur ka mungesë të nxemjeve tani, kur jemi në fund të muajit nëntor, ato nuk janë të nevojshme gjatë sezonës së verës!
Kjo, tregon papërgjegjëshmërinë e qeverisjes së Damqorit, sepse kjo qështje është dashtë të zgjidhet muaj më parë dhe që nga 15 tetori të gjitha shkollat është dashtë të jenë të furnizuara me lëndë djegëse dhe të gatshme për sezonin dimror!
Por, Damqori, nuk ka kohë të merret me zgjidhjen e problemit të nxemjeve nëpër shkolla, duke u marr me tema të mdhaja, e nuk e din që kapaciteti i tij nuk është as për tema të vogla.
Por ju ka grrith CD-ja vetëm duke i përsëritur frazat ligji, transparenca, llogaridhënia, çmimi, qeverisja e shkëlqyer, qytetari, a në realitet është vetëm një mashtrues dhe totalisht i papërgjegjëshëm! Çdo gjë që bënë, e bënë në dëm të qytetarëve, e në interes të tij personal dhe disa servilëve përreth tij!
#DAMQOR#
D.A.