I ngritet lapidar dëshmorit të UÇK-së nga komuna e Skënderajt

Sot në orën 13:00 është bërë përurimi i lapidarit të dëshmorit të Ushtrisë Çlirimtare të Kosovës, Sadik Hazirajt, shkruan portali Rajoni.org.

Ceremonia u mbajt në fshatin Llaushë, në lagjen Haziraj.

Në lartësimin e veprës sublime të dëshmorit, morën pjesë familjarët e dëshmorit, bashkëluftëtarët, kryetari, nënkryetari i komunës së Skënderajt e përfaqësues të tjerë komunalë.

Postimi i plotë i kryetarit Fadil Nura:

Ceremonia e përurimit të një vepre madhështore në kujtim të përhershëm për dëshmorin e Ushtrisë Çlirimtare të Kosovës, Sadik Haziraj, që u vetëflijua për të ardhmen e ndritur të popullit, në luftën e lavdishme heroike çlirimtare.

Lavdi trimit dëshmor Sadik Haziraj!