Një kafkë 7 milion vjeçare me pseudonimin “Toumai” po ngre shumë pikëpyetje tek paleontologët, nëse ka ecur mbi dy këmbë apo katër? Ky zbulim u bë në vitin 2001 dhe ende sot nuk dihet nëse ishte majmun apo njeri. Shumë studiues sugjerojnë që është forma më e hershme e njeriut.
Në bazë të formës së kafkës besohet që ky primat kishte shtyllë kurrizore të drejtë që nënkupton se shumicën e kohës ecte mbi dy këmbë. Dhëmbët e vegjël gjithashtu i përngjajnë strukturës njerëzore dhe jo majmunëve.
Por shumë kritikë shprehen se kaq pak studim nuk mund të përcaktojnë nëse ishte vërtetë paraardhësi ynë apo jo.
Kjo gjetje u bë në Çad dhe pak më vonë doli në pah një femur, por aksidentalisht u humb. Të vetmit studiues që vazhduan ekzaminimet ishin Aude Medina dhe Roberto Maçhiarelli në Universitetin e Poitiers në Francë, por pa shumë rezultat sepse çka mbeti pas ishte thjesht një foto e femurit, që nuk linte shumë vend për përfundim të saktë studimor.