Rastet e dhunës në familje nuk po kanë të ndalur. Çdo ditë e më shumë po raportohen raste ku viktima zakonisht janë gratë që përjetojnë dhunë psikike e fizike nga partnerët e tyre, raporton Gazeta Sinjali.
E një rast i tillë është raportuar dje në fshatin Ramnishtë të komunës së Vitisë, ku një 23-vjeçare ka deklaruar në Polici se i fejuari i saj i cili ndodhet në Slloveni po e keqtrajton.
Ajo ka thënë se prej që janë fejuar, i dyshuari ushtron dhunë psikike e fizike ndaj saj si dhe e shantazhon dhe e kërcënon përmes telefonit.
Së fundi ajo ka deklaruar se ka pranuar nga i fejuari i saj një mesazh, ku i kishte thënë “Kam me të vra ty dhe familjen”.
Lidhur me rastin është njoftuar edhe Prokurori i Shtetit i cili ka urdhëruar që rasti të iniciohet ‘Dhunë në familje’.