Para dy vitesh, për më shumë se katër orë, ish-ministri i Punëve të Jashtme Behgjet Pacolli, iu është përgjigjur pyetjeve të deputetëve të Komisionit për Punë të Jashtme.
Në këtë raportim, kreu i diplomacisë kosovare është përgjigjur për dështimin e anëtarësimit të Kosovës në Interpol dhe lajmet se disa shtete kanë tërhequr njohjet e tyre.
Sipas tij, Serbia angazhdoi vajza të bukura për të lobuar kundër Kosovës në Interpol.
E për këtë, është publikuar edhe një video ku femrat serbe në ditën e votimit në Asamblenë e Përgjithshme të Interpolit në Dubai, shihen duke u “shëtitur” nëpër sallë.
Serbet mbajnë në duar një listë, ndërsa gjatë gjithë kohës shikojnë se të kush duhet të shkojnë.
Ato i përcjellin në mënyrë konstante pjesëmarrësit e Asamblesë, duke u afruar herë te njëri e herë te tjetri.
Kjo është dëshmia më e qartë se si Serbia zhvilloi lobimin në Interpol për të parandaluar anëtarësimin e Kosovës.
Të kujtojmë se Serbia për lobim kundër Kosovës i ka investuar deri më tash plot 32 milionë euro.