Kryetari i qendrës së Levizjës Vetëvendosje në Skenderaj, Hysni Mehani, ka përgenjeshtruar deputetit e PDK’së, Bekim Haxhiun i cili në emisionin DPT në Telvizionin T7 ka thënë së kjo parti ka pënguar punën e Bekim Jasharit dhe ka bërë kallëzim penal ndaj tij dhe se është terhequr nga gara vetëm së e ka ditur që fuqia e tyre është e vogel në këtë qytet.
Mehani aludimet e Bekim Haxhiut i ka quajtur gënjeshta dhe hipokrizi.
“Tri gënjeshtra, një e vërtetë dhe një hipokrizi nga Bekim Haxhiu qenkan thëne në një televizion, paska përmendur edhe emrin tim”, ka shkruar Mehani në facebook
Postimi i Plotë i Mehanit në Facebook
Reagim
Tri gënjeshtra, një e vërtetë dhe një hipokrizi nga Bekim Haxhiu qenkan thëne në një televizion, paska përmendur edhe emrin tim.
Gënjeshtra e parë, asnjë kallëzim penal nuk e kam bërë kundër Bekim Jasharit. Unë kam bërë kallëzime penale kundër dukurive që i kam konsideruar si shkelje. Pra, kam denoncuar fenomenin. Është përgjegjësi e prokurorisë t’i gjejë përgjegjësit dhe t’iu vëj emër. Jo e imja. Një njeri që i ka veç dy lidhje e din këtë gjë. Por, Kamishi këtë e thotë me sherr.
Ka një rast kur kam përmendur emra kur kam bërë kallëzime penale, dhe ata emra janë të Fadil Nurës dhe Sami Lushtakut.
E, unë, prapë po i zotohna Kamishit, që çdo shkelje që e gjej kam me e çu në prokurori, ka shumë gjasë që emri Bekim mbetet, por mbiemri bëhet Haxhiu për këto shkelje.
Gënjeshtra e dytë, në vitin 2017, le ta gjej veç një qytetar, që unë si kandidat apo aktivistët e Lëvizjes ia kanë lypur votën për kryetar. Veç një, hiç ma shumë. Kemi qenë në proces për ta përligjur atë, por e kemi mbështetur Bekim Jasharin. Këtë gjë e din shumë mirë Kamishi, por siç duket gënjeshtrën e ka profesion.
Gënjeshtra e tretë, Lëvizja VETËVENDOSJE! në Skënderaj i ka mbi 20% të votave. PDK në nivel vendi i ka 17%. Pra, ma minore është PDK në Kosovë, se sa Lëvizja në Skënderaj. E megjithatë PDK po garon në të gjitha komunat e Kosovës.
Tërheqjen e kandidaturës e kam sqaruar një herë, nuk e përsëris për një mashtrues e hipokrit si Kamishi.
Gënjeshtra tjetër, që qeveria Kurti e ka ndalë buxhetin është asi gënjeshtre që Kamishi e pin me kafen e mëngjesit, nuk ia vlen të komentohet hobi i njeriut.
E vërteta që e tha Kamishi, është së PDK-së nuk ja nin për UÇK-në, dhe së PDK ka dalë kundër vlerave të UÇK-së. PDK gjithë ka qenë kundër vlerave të UÇK-së, veçse tash ja ka hequr peten lakrorit, siç thotë populli. Me pasë qenë PDK e Kamishi në mbrojtje të vlerave të UÇK-së, deputetët e saj i kishin dorëzuar mandatet e nuk e kishin votuar gjykatën speciale.
Hipokrizia e Kamishit, qytetarët e Skënderajt e dinë, që kur kanë ndodhur përplasjet në degën e PDK-së në Skënderaj, Kamishi ka qenë iniciator i këtyre përplasjeve dhe ka qenë në anën e të pakënaqurëve të PDK-së.
Kur erdhi koha me kandidu për deputet, Kamishi e la Bekim Jasharin, i paloi veshët dhe shkoi në kampin e të kënqurëve të Sami Lushtakut. U bë deputet, e pasi u bë deputet iu kujtua sërish se kush është Bekim Jashari dhe familja për nga vjen ai. Këtë gjë e kishte harruar kur i duhej mbështetja e Sami Lushtakut për t’u bërë deputet. Hipokrizitë dhe hipokritët e kanë lodhur këtë popull. Bollni ma.
Kamishi që bëhet së e mbështet Bekim Jasharin, qëllimin e ka me e irritu votuesin e Lëvizjes dhe gjithë votuesin opozitarë, duke i konsideruar të vegjël e të parëndësishëm, por nuk ka me ja dalë, sepse votuesi i Lëvizjes e votuesi opozitarë e njeh shumë mirë Kamishin.