Klubi i Balajt pa sponsor, presidenti Putin hyn në lojë dhe urdhëron bizneset

Bekim Balaj la këtë verë Sturm Grazz në Austri dhe vendosi të rikthehet në Premier Ligën e Rusisë, ku firmosi me Nizhny Novgorod, klub i sapo ngjitur në elitën e futbollit rus.

Duke qenë se është një klub dhe skuadër e paprovuar, Nizhny e ka të vështirë të gjejë sponsorë për të investuar dhe nxjerrë fitime, por në ndihmë i ka ardhur njeriu më i fuqishëm në vend.

Presidenti i Rusisë, Vladimir Putin, ka urdhëruar gjetjen e një sponsori për klubin e Balajt. Deri në gjetjen e tij, Nizhny do mbahet me buxhetin e shtetit rus.

Gjithsesi, jo edhe për shumë kohë sepse pas këtij urdhri të Putin, shumë kompani dhe biznesmenë pritet të ofrohen. Nizhny kërkon një sponsorizim prej rreth 15 milionë eurosh në vit.