Farooq Qureshi është një “alarm në formë të njeriut”.
Ai fillon punën e tij prej tupanxhiu çdo natë të muajit të shenjtë të Ramazanit, për t’i zgjuar myslimanët nga gjumi që të bëjnë syfyr para fillimit të agjërimit gjithëditor, në Kashmir të Indisë.
“Ne fillojë t’i biem tupanit në orën 02:30 dhe vazhdojmë kështu deri në 04:15”, tregon Qureshi.
“Ky është muaji ynë i shenjtë, dhe sa më shumë që të qëndrojmë zgjuar natën, Zoti do të na shpërblejë neve”, thotë tutje ai.
Farooq e bën këtë punë për më shumë se një dekadë, transmeton Klankosova.tv.
Në Srinager, çdo lagje ka tupanxhinë e tyre. Ata e dinë se ka mënyra tjera për t’u zgjuar, por duan që ta mbajnë të gjallë traditën.
“Ne provuam të zgjohemi me alarm të telefonave, por ne ishim mësuar me tupanxhiun. Kur tupanxhiu nuk vinte, ne nuk e ndjenim Ramazanin. Kjo është tradita jonë. Ne e kemi parë tupanxhiun që kur ishim fëmijë, dhe na ka kënaqur gjithmonë”, thotë një banor.