“Kom me ta dhan plumbin n’kry”, 52-vjeçari kërcënon një person në Skënderaj për një traktor të vjetër

Një rast ka ndodhur dje në fshatin Vajnik të Skenderajt, ku një person dyshohet se u kërcënua me jetë nga një 52-vjeçar.

Sinjali mëson se ndërrimi i një traktori të vjetër me një të ri u bë shkak që i dyshuari të nis mesazhe me përmbajtje kërcënuese në drejtim të viktimës, duke i thënë se do ia japë plumbin në kokë në rast se nuk ia ndërron automjetet.

Njësitë policore nuk kanë arritur ende që të kapin të dyshuarin dhe ta shoqërojnë në stacion për intervistim.

Me urdhër të prokurorit rasti është iniciuar ‘Kanosje’, ndërsa veprimet tjera ligjore do merren posa të kapet i dyshuari.