Përpjekja edhe për të dalë mirë para mësimdhënësit e edhe për t’i kursyer mjetet financiare i dështoi Komunës së Skënderajt, shkruan portali rajoni.org.
Komuna e Skënderajt ditë më parë njoftoi se i ka ekzekutuar pagesat prej 100€ për shujtat e mësimdhënësve.
Ndërsa, sot ka dalë me njoftim zyrtar se nuk janë procesuar pagesat në fjalë pasi niveli qendror e ka refuzuar kërkesën e tyre.
Nuk dihet se kush e krijoi nga stafi i kryetarit Fadil Nura, por ky mashtrim i dështoi keq komunës së Skënderajt. Niveli i arsyetimit është për keqardhje, joprofesional deri në pikën më të fundit. Bile të kishte thënë se pagesat do t’i ekzekutojmë në vazhdim por i shpallën të kryera.
Kjo që Komuna e Skënderajt e bëri tani i bie që po luan me mësimdhënësit, edhe atë me një lojë të dobët, se këto “fore” fëmija në klasën e 4 është në gjendje t’i nënkuptojë.
Kjo është një fyerje e inteligjencës së qytetarëve, opinionit të gjerë e në veçanti mësimdhënësve, kështu që sa më shpejt që komuna kthehet me kërkimfalje aq më korrekte nga ana e tyre.
Tjetra, komuna e Skënderajt po mendon se qytetarët nuk po e kuptojnë që kjo e fundit nivelin qendror është duke e parë si makinë mbrojtëse, krejt çka po i dështojnë brenda po mundohet t’ua hedh fajin atyre.
