Analisti politik, Rrahman Paçarizi, ka thënë se Kosova e ka me të drejtë nëse nuk e mbështet iniciativën “Ballkani i Hapur”.
Në Info Magazine të Klan Kosovës, ai ka folur edhe për qëndrimin e kryeministrit të Malit të Zi, Dritan Abavoziq, për “Ballkanin e Hapur”.
“Mali i Zi deri më tani ka qenë kundër “Ballkanit të Hapur”, nuk ka marrë pjesë në takimet e deritanishme. Qëndrimet e Abazoviq tani i kanë ndryshuar raportet në Ballkanin Perëndimor lidhur me këtë çështje, tashmë janë Kosova dhe Bosnje Hercegovina që kanë qëndrim kundërshtues. Ndërkohë, që Maqedonia e Veriut nuk ka qenë shumë entuziaste, por ka marrë pjesë pothuajse në të gjitha takimet”.
“Mendoj që Kosova ka të drejtë ta kundërshtojë “Ballkanin e Hapur” për shkak të çështjeve të hapura dhe për shkak të mosnjohjes nga Serbia, apo rrethanë në të cilën Kosova nuk ka arsye për të qenë pjesë e një unioni të tillë të vogël rajonal me Serbinë e cila nuk e njeh Kosovën, por arsyetimi nuk mund të ulemi në një tavolinë me ministrin e Sllobodan Millosheviqit është një arsyetim që nuk shkon, ndoshta do të shkonte sikurse Kosova të mos ishte ulur në një tavolinë me presidentin e Serbisë, Aleksadar Vuçiq”,ka thënë Paçarizi.