Kryetari i ri i Kuvendit të Kosovës që u zgjidh sot, Glauk Konjufca, do të jetë edhe ushtrues i detyrës së presidentit të Kosovës.
Ai mori përkrahjen e 69 deputetëve për ta udhëhequr Kuvendin, e me automatizëm bëhet edhe drejtues i Presidencës së Kosovës.
Kjo bën që vendi të ketë, të paktën për kohë të shkurtër, edhe u.d. të zonjës së parë të vendit. Kush është ajo?
Deri tash, këtë funksion e kishte Prindon Sadriu, bashkëshorti i ish u.d. presidentes Vjosa Osmani.
Konjufca është i martuar me Emira Bajqinca Konjufcën, e cila është edhe fytyrë e njohur për publikun kosovar pasi më herët ka ushtruar rolin e aktores.
Emira ka qenë pjesë e serialeve, filmave vendorë e madhe edhe e këngëve për fëmijë.
Aktualisht, u.d. e zonjës së parë është asistente në Fakultetin Filologjik, dega e Gazetarisë.
