Dje u raportua për një rast të rëndë të dhunës në familje në fshatin Nerodime e Epërme e komunës së Ferizajt, ku një burrë u arrestua pasi ish-bashkëshortja e tij rrëfeu gjithë dhunën që ka përjetuar për vite me radhë nga ai.
Burimet e Sinjali kanë bërë të ditur se i dyshuari është Vigan Ndrecaj, i cili për të shantazhuar bashkëshorten e tij, e kishte incizuar e fotografuar atë gjatë marrëdhënieve seksuale me të. Më pas i njëjti e kishte kërcënuar se në rast se e denoncon në Polici, ato pamje do të publikohen.
Ndërkohë Sinjali ka mësuar detaje të reja nga e gjithë ngjarja, ku bëhet e ditur se Ndrecaj dje kishte shkuar në shtëpinë e familjes së viktimës ku kishte demoluar orenditë shtëpiake, kishte sulmuar fizikisht vëllaine saj të mitur e ish-vjehrrën e më pas e kishte rrëmbyer 21-vjeçaren.
Këtë rast në Polici e ka denoncuar nëna e viktimës, e cila ka deklaruar se ish-dhëndri i saj ka marrë 21-vjeçaren dhe është larguar në drejtim të panjohur.
Ndërsa detajet tjera nga torturat që dyshohet se i përjetoi gruaja gjatë kohës që ishte e martuar me Vigan Ndrecajn, mund t’i lexoni në tekstin e mëposhtëm.
Shënim: Personi i apostrofuar në këtë artikull prezumohen të pafajshëm derisa fajësia e tij të mos provohet me vendim të formës së prerë nga gjykata.