Ky është personi që ua vodhi njerëzve 2000 euro, si polic i rrejshëm

Një person është arrestuar në Prizren, pasi i njëjti është prezantuar rrejshëm si zyrtar policor, raporton Gazeta Sinjali.

Burimet nga Prokuroria bëjnë me dije se bëhet fjalë për Seyfo Daniyol, i moshës 49-vjeçare.

I dyshuari u ishte prezantuar rrejshëm si zyrtar policor tre viktimave dhe se ai ka lidhje me shumë institucione shtetërore dhe ambasada të huaja.

I njëjti lidhur me këtë rast ka arritur që të përfitojë nga viktimat, të holla me vlerë prej 2.000 euro.

Siç mësojnë mediet, i dyshuari ka pranuar terësisht veprën penale.