Kanë filluar punimet nga komuna e Skënderajt në realizimin e projektit kapital të asfaltimit të një rruge në fshatin Rrezallë.
Rruga, procesi asfaltues i së cilës ka nisur, do të asfaltohet nga Lagja Zabelaj deri te Shkolla “Malush Ahmeti”, shkruan portali Rajoni.org.
Në kuadër të kësaj do të trajtohen edhe degëzimet e kësaj rruge që shtrihen në lagjet: Ahmeti, Rukolli dhe Zabeli.
Njoftimi i plotë nga komuna:
Në fshatin Rezallë ka nisur realizimi i një projekti të ri kapital, ai i asfaltimit të rrugës nga Lagja Zabelaj deri te Shkolla “Malush Ahmeti”, si dhe trajtimi i degëzimeve në lagjet Ahmeti, Rukolli dhe Zabeli.
Kryetari i Komunës, Fadil Nura dhe drejtori i Urbanizmit dhe Mbrojtjes së Ambientit, bashkërisht me asamblistin Nexhat Ahmeti, kanë takuar sot banorët vendës, me të cilët kanë diskutuar për projektin, i cili është mirëpritur nga qytetarët e Rezallës.
Ky projekt parasheh trajtimin e infrastrukturës rrugore në disa nga lagjet e fshatit Rezallë, të cilat nuk janë përfshirë akoma në investimet kapitale të Komunës të Skenderajt./Rajoni.org/
