Joan Laporta, presidenti i Barcelonës, konfirmoi se klubi tashmë ka siguruar dy lojtarë për sezonin e ardhshëm. Numri një i katalanasve nuk përmendi asnjë emër, por referenca për Andreas Christensen dhe Franck Kessie duket qartë. Ja fjalët e tij për RAC 1:
“Kemi mbyllur akordet për dy lojtarë. Ka mundësi që jane një qendërmbrojtes dhe një mesfushor, por nuk mund te them emra… Raphinha? Ai është një lojtar i madh, ne kemi marrëdhënie të mira me të. Deco (agjenti i tij) është duke punuar dhe na informon për detajet që të mos gabojmë”.
Laporta foli edhe për lamtumirën tashmë të afërt të Sergi Robertos, negociatat për rinovimin e të cilit nuk ishin të suksesshme: “Ai kishte mundësinë të rinovonte në fillim të sezonit, kur po ristrukturonim kontratat dhe nuk e kuptoja pse nuk pranoi. Momenti ishte atëherë. Tani kontrata po skadon dhe ne po rinovojmë skuadrën”
Sa i perket te ardhmes dhe stolit, ai shtoi se “Xavi Hernández do të jetë trajner i Barçës derisa unë te jem president. Ai është i përgatitur të jetë në klub për aq kohë sa të dojë”. Ne lidhje me Joao Felix ka pranuar: “Me pelqen shume si futbollist. Verën e kaluar ne punuam për të përfunduar një marrëveshje shkëmbimi me Atlético midis Joao Felix dhe Griezmann, por më pas ajo u shemb”.
“Salah? Nuk do të them emra, por të gjithë lojtarët kryesorë duan të vijnë këtu. Nuk mund të them nëse ka ndonjë gjë, sepse nga klubi do të më thoshin se kam prishur negociatat. Nuk mund të them çfarë është e vërtetë dhe çfarë nuk është”
Ai gjithashtu pranoi se opsioni per shkembimin Traore-Trincao eshte nje “opsion qe me pelqen dhe qe do te ishte ideal”. Presidenti i klubit ka mbyllur ne fund per Haaland dhe Mbappe. “Haaland apo Mbappé? Nëse do të më duhej të zgjidhja, do të mbetesha me atë që thotë qartë se dëshiron të vijë te Barça. Nëse nuk u pëlqen, do të jetë e vështirë. Ata duhet të përshtaten me arsyeshmërinë.