E nisi furishëm huazimin tek Mallorca, por në ndeshjet e fundit, Vedat Muriqi nuk ia doli të lë gjurmë tek skuadra spanjolle.
Sulmuesi kosovar po luan tek Mallorca në formë huazimi nga Lazio.
‘Lacialët’ tashmë janë duke menduar për përforcime të reja në skuadër gjatë afatit kalimtar të verës.
Muriqi sipas mediave italiane, do të shitet gjatë kësaj verë. Edhe nëse kosovari nuk e bind Mallorcan, skuadra italiane do ta shesë Muriqin në ndonjë klub tjetër në mënyrë që parat e shitjes së tij, t’i investojë në transferimet e reja.
Turqia duket se është destinacioni më i mundshëm i Muriqit, i cili kishte lënë gjurmë tek Fenerbace, madje, nuk përjashtohet mundësia që kosovari sërish ta vesh fanellën e kësaj skuadre, edhe pse ai po monitorohet edhe nga disa skuadra tjera turke.