Kohët e fundit shumë çështje të ndryshme të dëmshme për qytetarët e komunës së Skënderajt kanë kaluar në asamblenë komunale shkruan portali rajoni.org.
EDITORIAL: Rajoni.org
Të gjithë e dimë që PDK-ja në Skënderaj ka kapacitetin për të kaluar çdo vendim, por ajo çka po tërheq vëmendjen në fund po mbetet statusi i opozitës gjatë këtij aspekti.
Të gjitha shkeljet dhe propozimet e paligjshme të Nurës në kuvend kanë ndodhur, gjersa grupi më i madh opozitar Ideali duke u treguar indiferent karshi këtyre situatave.
Siç duket Bekim Jashari dhe asamblistët e tij nuk qenë përgatitur hiç për opozitarizëm. Joorganizimi adekuat ka krijuar konfuzitet te ky grup komunal duke mos ua lënë që ta kenë të qartë as atë se për çfarë qëndrojnë. Kjo po prodhon pasivitet, duke bërë që disa asamblistë të marrin fjalën rrallë apo fare.
Botërisht është e njohur që sa më shumë anëtarë opozitarë në kuvend, aq më mirë për qytetarët për shkak të këmbënguljes që ata bëjnë në rritjen e korrektësisë. Por jo kësi si të Idealit, për shkak të pasivitetit të tyre, kësi sa më pak aq më mirë.