Në Perëndim, kërkimi i përsosmërisë që zgjat përgjithmonë është pjesë e kulturës dominuese. Kjo është arsyeja pse aplikimi i filozofisë japoneze “Wabi Sabi” mund të jetë një çlirim i madh. Të pranosh që gjithçka është e ndryshueshme, se asgjë nuk është perfekte dhe se dikush mund të shkojë keq, është çelësi i një ndjenje të madhe lirie.
Shijoni vendin dhe momentin ku jeni. Të jesh elastik, të pranosh që gjërat mund të ndryshojnë dhe ta përqafosh këtë ndryshim pa e luftuar atë. Mbi të gjitha, kini parasysh se jo gjithçka është në dorën tonë, që mund të humbasim në jetë dhe që situatat mund të dalin jashtë kontrollit. E gjithë kjo është “Wabi Sabi”, filozofia japoneze që për pranimin e jetës ashtu siç është, duke shijuar secilin moment.
“Wabi Sabi”, melankolia e ëmbël japoneze që gjeneron forcë
Çdo kulturë ka filozofinë e saj të jetës. Nëse kultura suedeze tenton të pranojë kompromisin, rrugët e mesme, moderimin si një mënyrë për një ekuilibër të brendshëm, në Skoci, Coorie presupozon që njeriu të gjejë lumturinë në jetën e tij të përditshme, të përbërë nga shëtitje paqësore mes shkëmbinjve dhe pyjeve, mbrëmjeve në lokalet dhe vatrat e zjarrit ndërsa stuhia vazhdon me tërbim jashtë. Nga ana tjetër metoda japoneze “Wabi Sabi”, zbaton qasjen Zen në jetë.
“Wabi Sabi” nuk është gjë tjetër veçse një vizion i bazuar në pranimin e kalueshmërisë dhe papërsosmërisë së jetës. “Wabi” do të thotë melankolik, përfaqëson trishtimin e ëmbël, vetë papërsosmërinë e jetës; “Sabi” përkundrazi përmban kalimin e kohës, faktin që çdo gjë zhduket dhe asgjë nuk mbetet, është lavdërimi i përkohshmërisë. Sipas japonezëve, bashkimi i këtyre dy koncepteve sjell lumturinë.
Njihni kufijtë tuaj dhe pranojini
Brenda kësaj filozofie, ka shumë koncepte nga Budizmi Tantric ezoterik, filozofia Zen dhe Taoizmi. Një kombinim që çon në pranimin e dobësive, anktheve dhe frikës. Ndër parimet thelbësore të kësaj filozofie të jetës është të jesh i vetëdijshëm se nuk mund të kontrollojmë gjithçka, se nuk mund të dimë gjithçka, se gabimet janë të pashmangshme herët a vonë. Por që e gjithë kjo nuk duhet të jetë një kufi për të mos vepruar, përkundrazi, njeriu duhet të lëvizë dhe të përfshihet gjithmonë, sado i vetëdijshëm të jetë për limitet e veta. Arritja e kësaj ndërgjegjeje i jep njeriut forcë të madhe sepse e çliron nga frika dhe mbi të gjitha nga ankthet e dështimit. Një koncept jashtëzakonisht i largët nga ai perëndimor, i cili e ka mbështetur gjithmonë kulturën e tij që në shekujt e kaluar në kërkimin e suksesit dhe në idenë se gjithçka është e përjetshme.
Si ta zbatoni filozofinë japoneze në jetën e përditshme
Fillimi i punës mbi këtë koncept: të jetosh i vetëdijshëm për kufizimet personale, të ngadalësosh ritmin për të shijuar edhe gjërat e vogla, të vlerësosh më mirë të tashmen dhe të mos mendosh shumë për të ardhmen, gjë që, sipas filozofisë japoneze, krijon shumë ankthe. Me fjalë të tjera, mësoni gjithashtu të hiqni dorë.