Kandidati i Partisë Demokratike të Kosovës për kreun e Skenderajt, Fadil Nura ka marrë mbështetje masive nga tri fshatrat e mëdha, Qirez, Prekaz lagjja Zenelaj dhe Lubavec të Skenderajt.
Entuziazmi i qytetarëve ishte i madh, e përkrahja edhe më e madhe, e Nura premton që posa ta marrë pozitë e të parit të vendit, të gjitha kërkesat e këtyre banorëve do të realizohen.
“Duke e parë interesimin tuaj për programin e Partisë Demokratike të Kosovës, duke parë angazhimin tuaj që të na mbeshtesni, fitorja jonë është e sigurtë. Të gjitha nevojat e këtyre lagjeve i kemi marrë, prandaj une zotohëm që posa ta marrë postin e kryetarit, të gjitha këto do t’i realizojmë në një afat sa më të shkurtër. Ndërsa kryetari i degës së kësaj komune, Sami Lushtaku ka thënë se drenicakët asnjëherë nuk e tradhëtojnë PDK-në, teksa shton se me 17 tetor do t’i tregojnë Vetëvendosjes se PDK-ja në Skenderaj është unike dhe më e bashkuar se kurrë.
“Drenicakët çdoherë janë dalluar që e dojnë Drenicën dhe Kosovën, dhe kjo dashni shtohet kur ne i tregojmë Vetëvendosjes që PDK-ja në Skenderaj as nuk është e përçame, as nuk është e ndame, është unike dhe kurrë më bashkë nuk kemi qenë. Drenicakët historikisht, kur kanë qenë burrat e mëdhenj ngusht, asnjëherë nuk ia kanë kthy shpinën atyre. Edhe kësaj radhe liderët tonë politik dhe ushtarak kanë nevojë me e ndi përkrahjen e tyre në Hagë atje. Kurrë më shumë nevoj nuk kanë pasur. Propagandat që bënë Albin Kurti, mashtrimet që i bënë ai dhe dëshirat që ka janë që Drenicën me çdo kusht përmes Bekimit, me fillu me e përqa”, ka thënë Lushtaku.