Deputeti i Partisë Demokratike të Kosovës, Mergim Lushtaku ka thënë se situata në Veriun e Kosovës është e tensionuar për shkak të vendimeve tënjëanshme të Qeverisë së Kosovës.
Lushtaku ka shkruar se ka informacione që serbet në këtë pjesë janë mobilizuar si kurrë më parë që nesër të organizojnë protesta dhe barkidadime.
“Si rezultat i vendimeve të njëanshme dhe të pa matura nga Qeveria, situata në veri të Kosovës është tensionuar. Sipas informacioneve, grupet kriminale në këtë pjesë janë mobilizuar si kurrë më parë, ashtu që në bashkëpunim edhe me Listën Srpska janë duke u mobilizuar që nesër të organizojnë protesta dhe barikadime në veri, për të cilat veprime vetëm po presin urdhrin nga Beogradi zyrtar”, ka shkruar ai.
Tutje Lushtaku ka thënë se Veriu i Kosovës është duke shkuar larg kontrollit të Institucioneve sovrane të Kosovës.