Mali Everest humb akullnajat mijëravjeçare

kullnajat e malit më të lartë në botë po shkrijnë për shkak të ndikimit të njeriut në klimë. Një kërkim i ri tregon se “çatia e Tokës”, mali Everest po humbet akullnajat e tij në një ritëm 80% më të shpejtë se sa u desh të formoheshin.

Dekada të tëra grumbullimi në blloqe të ngrira po treten duke ekspozuar akullin e mbuluar nga dëbora. Kjo rrit rrezikun e orteqeve, që rrezikon jetët e 800 alpinistëve që përpiqen të ngjisin majën e botës çdo vit.

Të paktën një miliardë njerëz në Azi varen prej lumenjve që ushqehen nga akullnajat për të siguruar ujin e pijshëm, ushqimin dhe jetesën. Vetëm në një çerek shekulli, kanë shkrirë 55 metra shtresa dëbore, ndërsa janë dashur më shumë se 2000 vjet për të formuar akullin në sipërfaqe.