Martohet anëtari i PDK-së me shefen e stafit të Bislimit nga VV

Andin Hoti, djali i veprimtarit Ukshin Hoti dhe anëtari i PDK-së, sot i ka dhënë fund beqarisë duke u martuar me Kaltrina Zekën.

Me kostumet e tyre të martesës ata dolën në rrugën “Rexhep Luci” në kryeqytet, derisa nuk mungonte edhe flamuri kombëtar dhe tupanët.

Çiftit të ri duket se nuk i kanë bërë përshtypje bindjet e ndryshme politike. Teksa Andini Hoti është anëtar i Këshillit Drejtues të PDK-së, Kaltrina Zeka është shefe e stafit të zëvendëskryeministrit që vjen nga Vetëvendosje, Besnik Bislimi.

Megjithatë, ata e bënë publike edhe fejesën e tyre qysh në korrik të këtij viti, kur Andini i bëri Kaltrinës një propozim shumë të veçantë martese.