Kombëtarja e Kosovës ka pësuar edhe një humbje në Ligën e Kombeve.Republika e Irlandës së Veriut ka mposhtur Kosovën me rezultatin 2:1 në Belfast, përcjell GazetaBlic Sport.
Futbollisti i njohur kosovar, Lorik Maxhuni ka potencuar se Lumbardh Dellova, mbrojtësi i Ballkanit mund të luante ndaj Irlandës në ndeshje e fundit, sepse ka minutazh dhe po luan në ndeshje me rëndësi.
“Unë besoj që Dellova është dashtë të luajë në këtë ndeshje. Ka luajtur në të gjitha ndeshjet kualifikuese me Ballkanin, po luan në grupe dhe është një prej lojtarëve më të mirë me statistika”, tha fillimisht futbollisti i njohur Lorik Maxhuni në emisionin ‘VAR’.
Ai poashtu theksoi se në vend të Rashicës mund të luante Zeneli.
“Rashica është një prej lojtarëve më të mirë dhe për momentin është në formë dhe ndoshta ka mundur të luajë Zeneli në vendin e tij. Unë prej që e mbaj mend në futboll – në kombëtare luajnë futbollistë që kanë minuta në liga ku luajnë, ende s’kam pa një kombëtare të madhe që e fton një lojtar që s’ka minuta në ekipin ku luan. Ne nga një kombëtare pretendente për m’u rritë – jemi t’u shku në një kombëtare t’u bë vetëm hapa mbrapa”, përfundoi ai.