Pas rastit të fundit ku mbetën të plagosur dy pjesëtarë të Policisë së Kosovës në Skënderaj, mediat e aferta me degën e PDK’së në Skenderaj po kërkojnë rikthimin e ish komandatit Basri Durmishi në detyrën paraprake si komandant i stacionit policorë në Skenderaj.
Durmishi nga shumë qytetarë të Drenicës njihet si njeriu i afërt i Sami Lushtakut, shkruan portali rajoni.org.
Foto e bëre pak ditë para zgjedhjeve
Përmes postimeve në rrjete sociale, thuhet se Durmishi ishte komandanti më i suksesshëm në komunën e Skënderajt.
Sipas tyre Skënderaj për 11 vite ishte qyteti më i qetë kur në krye të Policisë ishte Basri Durmishi.
“Skenderaj ishte qyteti më I qetë në Kosovë për 11 vite deri sa ishte komandant I policis Basri Durmishi, komuna e Skenderajit duhet të kthej ne detyrë komandantin më të suksesshëm…”, thuhet në postim.
Ndryshe, Durmishi në gusht të vitit të kaluar ishte liruar nga detyra e komandantit të Stacionit Policor në Skënderaj.
Vendimin për ta liruar Durmishin nga detyra atë kohë e kishte marrë Drejtori i Përgjithshëm i Policisë së Kosovës, Samedin Mehmeti.
