Mushkolaj për zv.ministrin Durmishi: Mjerim, krenohet me largimin e reklamave por asnjë metër asfalt nuk ka shtruar

Analisti Imer Mushkolaj ka kritikuar punën e zv.ministrit Hysen Durmishi.

Mushkolaj përmes një postimi ka shkruar se, Durmishi po e paraqet si sukses largimin e reklamave, ndërkohë asnjë metër asfalt s’ka shtruar për një vit e gjysmë, shkruan Jepi zë.

Postimi plotë:

Para dy ditësh zv.ministri i Infrastrukturës, Hysen Durmishi, e prezantoi si sukses largimin e reklamave nga autostradat. Ndërkohë, ka kaluar një vit e gjysmë qeverisje dhe nuk është shtruar asnjë metër asfalt në magjistralet e Kosovës, nëpër të cilat qytetarët vazhdojnë të maltretohen çdo ditë. Për besë mjerim.