Ministrja e Arsimit e Kosovës, Arbërie Nagavci, është munduar ta fajësojë SBAShK-un përmes një deklarate në “Facebook”, duke pretenduar se vetëm sindikata është palë e barrikaduar. Sidoqoftë, ministrja përsëri nuk arriti që t’i shmangte gabimet elementare drejtshkrimore.

Ajo e përdori gabimisht shkronjën e madhe pas dy pikave. E shkroi me shkronjë të madhe pjesëzën “nuk”.

Nagavci e shkroi gabimisht edhe shkurtesënSBAShK, sepse përdori “H” të madhe dhe nuk e vendosi mbaresën rasore të rasës gjinore, “-ut”: “SBAShK-ut”.

Ministrja e arsimit e shkroi gabimisht edhe foljen“shpien”. Në vetën e tretë të numrin shumës, ajo shkroi “shpiejnë”.

Ajo nuk përdori presje para ndajshtimit të veçuar “me vetëdije ose jo”.

Nagavci e shkroi gabimisht foljen “kontribuoj”. Në vetën e tretë të numrit shumës, në kohën e kryer, kjo folje shkruhet “kanë kontribuuar”, jo “kanë kontribuar”.

Ministrja e Arsimit njihet për gabimet drejtshkrimore në shkrimet e saj në “Facebook”. Ajo ka bërë disa gabime në shkrime ditëve të fundit. Gabime drejtshkrimore bëjnë edhe ministrat e tjerë të Qeverisë Kurti, përfshirë zonjën Gërvalla në Ministrinë e Jashtme dhe Faton Pecin në Ministrinë e Bujqësisë.