Në mes të emocioneve sot u mbajt ceremonia e rivarrimit të një pjese të dëshmorëve në Kompleksin Memorial të Dëshmorëve në Marinë.
Kjo ishte një ceremoni mjaft pikëlluese jo vetëm për familjarët e dëshmorëve por edhe për të gjithë Drenicën, shkruan portali Rajoni.org.
Ceremonia u shoqërua edhe me praninë e përfaqësuesve komunalë të Skënderajt.
Kryetari Fadil Nura ka njoftuar për procesin e rivarrimit edhe në rrjetin social facebook.
Postimi i tij i plotë:
Ceremonia pikëlluese e rivarrimit të dhjetë dëshmorëve të Ushtrisë Çlirimtare të Kosovës, për t’u bashkuar përfundimisht me shokët e tyre të luftës në Kompleksin e Dëshmorëve në Marinë, dhe për t’u prehë paqësisht në rehatinë e tokës për të cilën flijuan jetën.
U qoftë i lehtë dheu i Kosovës!
Lavdi heronjve të lirisë!