Puna korrekte e policisë së Kosovës në Skënderaj e përcjellë me një profesionalizëm të lartë karshi detyrave dhe interesit publik, e ka sjellë një respekt të jashtëzakonshëm të këtij organi të sigurisë në përgjithësi e në Skënderaj në veçanti.
Këta djem tanë, të cilët me një përkushtim të lartë po punojnë në mbrojtje të rendit dhe të ligjit kanë marrë edhe respektin e atyre, të cilët kanë qenë pjesë e momenteve më të vështira njerëzore të luftës sonë për liri dhe shtet. Ky fakt sigurisht që policinë tonë i bën krenare, shkruan portali rajoni.org.
Kështu një ndër ata që i ka mbijetuar Masakrës së Izbicës, sot në prag të festave të fundvitit ka siguruar dhurata për të gjithë punonjësit e stacionit policor në Skënderaj. Paralelisht me këtë, Qendra Tregtare Arijeta (QTA) ka vepruar njëjtë duke siguruar po ashtu dhurata për të gjithë policët e Skënderajt.
Këto dhurata ua ka dorëzuar drejtori i kësaj qendre./rajoni.org/
