Ngjarjet e datës 17 maj 2022
Komisioni për Legjislacion shqyrton raportin me amendamente për Projektligjin për ndryshim-plotësimin e Ligjit për Këshillin Prokurorial të Kosovës. (Kuvendi i Kosovës, salla N-303, ora 09:00)
Për të shënuar Ditën Ndërkombëtare kundër Homofobisë, Bifobisë dhe Transfobisë (IDAHOBIT) Qendra për Zhvillimin e Grupeve Shoqërore (CSGD) organizon konferencën me temë “Personat LGBTI dhe Politika”. Prishtinë, ora 10:00)
Këshilli Prokurorial i Kosovës mban takim pa praninë e mediave. (Ora 10:00)
Me rastin e Ditës së Çlirimit të Shqiponjës bëhen homazhe në Kompleksin Memorial të Shqiponjës (Jabllanicë e Dushkajës, ora 12:00).
Ministria e Arsimit, Shkencës, Teknologjisë dhe Inovacionit organizon festën tradicionale “Festa e Abetares”. Merr pjesë ministrja e Arsimit, Arbërie Nagavci (Salla e Sporteve “Karagaq” Pejë, ora 12:00)
Komisioni për Mjedis shqyrton Projektligjin për Mbeturinat nga industritë nxjerrëse të mineraleve. (Kuvendi i Kosovës, salla N-302, ora 13:00)
Konstituohet Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike. (Kuvendi i Kosovës, salla N-303, ora 14:00)
Ministri i Mjedisit, Planifikimit Hapësinor dhe Infrastrukturës Liburn Aliu, së bashku me përfaqësues nga BE dhe Sekretariati i Komunitetit të Transportit, do të mbajë konferencë për media, në lidhje me rrjedhshmërinë dhe realizimin e punëve të realizuara të Rehabilitimit Gjeneral dhe Modernizimit të linjës Hekurudhore.