Nis seanca ndaj ish-krerëve të UÇK-së

Ka nisur seanca e tetë për ecurinë e çështjes në Dhomat e Specializuara ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.

Thaçi, Veseli, Krasniqi dhe Selimi janë duke ndjekur seancën përmes videolidhjes, derisa prezentë në sallën e Gjykatës Speciale janë avokatët dhe përfaqësuesit e të akuzuarve.

Në paraqitjet e tyre të para para gjykatës, Thaçi, Veseli, Krasniqi dhe Selimi janë deklaruar të pafajshëm për akuzat që iu ngarkohen.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.