Janë bërë 4 muaj qëkur komuna e Skënderajt lajmëroi për fillimin e pastrimit të Lumit Klina, shkruan portali Rajoni.org.
Por, siç duket ky proces po ec me hapa të breshkës, sepse përgjatë vijës në Zonën Urbane në total nga fshati Klinë e Ulët deri në Llaushë janë vetëm 2.3 km.
Kjo e ka irrituar edhe ish-drejtorin komunal të Bekim Jasharit, Gëzim Ejupin, i cili i revoltuar kritikon punën e komunës në këtë aspekt.
Ai ka thënë që në kohën e qeverisjes Jashari, u kanë mjaftuar vetëm 2-3 javë kohë që të pastrohet kjo pjesë.
“Një duartrokitje e madhe për dështakërinë tuaj.”, -ironizoi me këtë dështim të komunës Ejupi.
Ta kujtojmë që ka edhe pakënaqësi të tjera të mëdha nga qytetarët e Skënderajt me këtë kompani pastrimi. Vonesa në zbrazëtimin e kontinjerëve të mbeturinave; deponitë ilegale etj. janë vetëm disa nga elementet që kontribuojnë në këtë, e që portali Rajoni ka raportuar gjithherë për to.
Postimi i plotë i Ejupit:
“Vetëm ndaluni dhe shikojeni përkushtimin, efikasitetin, cilësinë dhe koston për pastrimin e shtratit të Lumit Klina përgjatë vijës në zonën Urbane ku në total nga Fsh. Klinë e Ulët deri në Llaushë janë 2.3 km.
Këtyre ’eksellencave’ ju duhet kohë që nga muaj Qershor deri sot ku gati jemi në muajn Nëntor dhe ende pa arritur ta përfundojnë punën. Një ‘duartrokitje’ e madhe për dështakërinë tuaj.
Në qeverisjen Jashari na kanë mjaftuar 2 -3 javë që të pastrohet e tërë kjo sipërfaqe e Lumit me një kosto shumë të ulët dhe krahas kësaj kemi paraparë buxhet edhe për ndërtimin e kaskadave në këtë lumë dhe rehabilitimin në disa vende ndërsa ky buxhet u avullua dhe u largua nga kjo qeverisje ‘eksellente’.
Pasoja pse lumi është në gjëndje tepër të keqe vjen si rezultat i punëve shumë të dobëta nga ana e kësaj qeverisje në të kaluaren.”/Rajoni.org/
