Kryetari i Komunës së Skenderajt Fadil Nura, për mesrrjetit social në facebook, ka reaguar lidhur me zhvillimet e fundit që kanë te bëjnë me grevën në Arsim dhe ndalesen e pagave nga qeveria Kurti për mësimdhënësit e kësaj komune.
Ai në postimin e tij në facebook ka shkruar: “Dje kërkuan listat e shërbyesve civil, sot me vendime skandaloze ndaj sektorit të arsimit. Në vend të dialogut social si alternativë për zgjidhjen e problemeve, vjen lajmi i keq i ndaljes së pagës së mësimdhënësve, në këtë kohë ku jeta është bërë e vështirë me gjithë këto rritje çmimesh.
Institucionet shtetërore në një sistem demokratik përfaqësojnë qytetarin dhe interesin e tyre, ato nuk mund të shndërrohen në çerdhe cubash që me vendimet e tyre cenojnë të ardhmen e fëmijëve tanë.
Më keq se kaq, s’ka ku shkon!”