PAMJE/ Edhe vajza e gruas që u vra në Llaushë del në protestë në Skenderaj

Gjatë së premtes, dhjetëra gra të Skenderajt kanë protestuar kundër dhunës dhe vrasjes së grave.

Me anë të kësaj proteste, ato kanë dënuar vrasjen e Lirije Qerimajt në Llaushë, e cila dyshohet se u vra nga bashkëshorti i saj.

Protesta është organizuar nga organizata joqeveritare “Gratë Intelektuale të Drenicës”, derisa, sipas tyre, të gjitha këto raste po ndodhin si rezultat i neglizhencës së organeve të sigurisë.

Pas përfundimit të marshit, pankarta me mbishkrimin për shkarkimin e drejtuesve të policisë dhe prokurorisë u vendos në shkallët e stacionit policor në Skenderaj.