Patatja e zbukuar me rastin e Krishtlindjeve po bën xhiron në rrjet

Monumenti Big Potato (patatja e madhe) është e vendosur në hyrje të fshatit Xylofagu në Qipro në shenjë nderimi për produktin vendas.

Por së fundmi Big Potato është bërë virale pasi ajo ka veshur ‘petkat’ e saja festive në pritje të Krishtlindjeve.

Ky monument ka arritur të bëhet viral që në momentin e parë, duke tërhequr çdo ditë shumë vizitorë.

Udhëheqës i komunitetit të Xylofagou George Tasou është shprehur se monumenti do të ndryshojë pamjen e tij në varësi të festave.

“Për shembull, tani në Krishtlindje do të vendosen drita dhe natën do të duket si një pemë e Krishtlindjeve nga larg, ndërsa gjatë periudhës së karnavaleve ne do të vendosim një fytyrë karnavali maskë karnavale në krye në vend të një ylli”, tha zoti Tasou.